ক'ত থাকে বিশ্বাস

January 26, 2020

ক'ত থাকে বিশ্বাস

Sketch Source: Internet

শব্দই গঢ়ে
শব্দই ভাঙে

শব্দত হাঁহে
জীৱনে!
শব্দ নৈ হৈ বয়

দেখাবোৰত
শুনাবোৰত
ক'ত থাকে বিশ্বাস

মুখাৰ আঁৰত আন এখন মুখা থাকে
আনে নেদেখা
মুখাই হাঁহে
মুখাই কান্দে
মুখাই বিশ্বাসঘাটকতা কৰে

ক'ত লুকাই থাকে বিশ্বাস
মুখাৰ আঁৰত
শব্দবোৰত!

সান্তনা দাস
বশিষ্ঠ, গুৱাহাটী

Comments

UnknownJanuary 26, 2020 at 9:06 AM
Awesome poem.. keep it up😍
ReplyDelete
Replies

Post a Comment

পাতনি

'ছাত্ৰশক্তি'- ভাৰতৰ ছাত্ৰ ফেডাৰেছনৰ অসম ৰাজ্যিক কমিটীৰ মুখপত্ৰ। প্ৰতি তিনিমাহৰ মূৰে মূৰে প্ৰকাশ হোৱা আলোচনীখনৰ প্ৰথমবাৰৰ বাবে অনলাইন সংস্কৰণ মুকলি কৰা হৈছে।ই তেতিয়াহে পূৰ্ণতা পাব যেতিয়া পাঠকে আঁকোৱালি ল'ব। আমি দেখা পাইছো সমাজৰ একাংশই সততে মতপোষণ কৰে এইবুলি যে আজিৰ প্ৰজন্মৰ ছাত্ৰ-ছাত্ৰীসকলে সাহিত্য চৰ্চা-প্ৰবন্ধ ৰচনা আদি সৃষ্টিশীল কাম কাজৰ পৰা দূৰত থাকে। আচল কথা সেইতো নহয়, সত্যতো হ'ল ছাত্ৰ-ছাত্ৰীসকলে নিজৰ বৌদ্ধিক বিকাশৰ উচিত মঞ্চ (প্লেটফৰ্ম) লাভ নকৰে। আমাৰ অসমত যি কেইখন কাকত-আলোচনী আছে তাৰ অধিকাংশ ঠাই জ্যেষ্ঠ আৰু প্ৰতিষ্ঠিত লোকসকলে আগুৰি ৰাখে। নতুনসকলৰ বাবে ঠায়ে নুকুলাই। সেয়ে আমি নতুনসকলক নিজৰ সৃষ্টিৰ ক্ষেত্ৰখনত আগুৱাই যোৱাত কিঞ্চিত সহায় কৰিবলৈ প্ৰয়াস কৰিছো। আশাকৰোঁ আমাৰ এই প্ৰচেষ্টাই আপোনাৰ ইতিবাচক সঁহাৰি লাভ কৰিব।